सुतिरहेका यादवमाथि अपरिचित व्यक्तिद्वारा खुकुरी प्रहार

काठमाडौं । धनुषामा अपरिचित व्यक्तिले धारिलो हतियार प्रहार गर्दा एक जना घाइते भएका छन् ।

शहिदनगर नगरपालिका-८ नाथपट्टी बस्ने ७० वर्षीय रामअवतार यादव अपरिचित व्यक्तिले आइतवार राति धारिलो हतियार प्रहार गर्दा गम्भीर घाइते भएका छन् ।

आफ्नै घर नजिकै रहेको गोठमा सुतिरहेको अवस्थामा अपरिचित व्यक्तिहरुले यादवलाई खुकुरी प्रहार गर्दा गम्भीर घाइते भएको भन्ने खबर प्राप्त हुनासाथ प्रहरी चौकी चोराकोयलपुरबाट खटिएको प्रहरीले घाइतेलाई उपचारको लागि जनकपुरतर्फ पठाएको छ ।

हाल फरार अभियुक्तको खोजी गर्नुका साथै यस सम्बन्धमा प्रहरीले थप अनुसन्धान भइरहेको बताएको छ ।