फिल्म ‘शत्रु गते’ को बुकिङ खुल्यो

काठमाडौं, ७ चैत – प्रतिक्षित चलचित्र ‘शत्रु गते’ को बुकिङ खुलेको छ ।प्रदीप भट्टराईद्वारा निर्देशित कमेडी जानराको चलचित्र ‘शत्रु गते’ मा चर्चित हास्य कलाकारको अभिनय रहेको छ । रिलिजको मिति नजिकिँदै गर्दा व्यापक प्रचारसँगै चर्चामा आएको चलचित्रमा हरिवंश आचार्य, किरण केसी, दीपकराज गिरी, दीपाश्री निरौला, प्रियंका कार्की, पल शाह, आँचल शर्मा लगायतका कलाकारले अभिनय गरेका छन् ।चलचित्र पारिवारिक कथामा निर्माण भएको छ । यतिबेला भने काठमाडौंको क्युएफएक्स सिनेमासले काठमाडौंका विभिन्न स्थानमा टिकट बुकिङ खुला गरेको हो ।चलचित्र यही शुक्रवार (९ गते) देखि नेपालभर प्रदर्शन हुँदैछ ।