जंगली हात्तिको नजिकै गएर सेल्फी खिच्दा गयो ज्यान

मोरङ । मोरङमा एक युवकको सेल्फी खिच्ने क्रममा हात्तीको आक्रमणमा परि एक जनाको मृत्यु भएको छ ।

मृत्यु हुनेमा मोरङ सुनवर्षी नगरपालिका ८ कुरेलीका २१ वर्षीय मनोहर मिया रहेका छन् ।

शुक्रवार बिहान सवा ७ बजेको समयमा भारतबाट नेपाल प्रवेश गरेको १ वटा जंगली हात्तीले आक्रमण गरेको थियो ।

मिया हात्तीको नजिकै गएर सेल्फि खिच्ने क्रममा हात्तीको आक्रमणमा परी घाईते भएका थिए ।

घाईते मियाको बिहान सँवा ८ बजे न्युरो अस्पताल विराटनगरमा पुर्‍याउन साथ मृत्यु भएको छ । हात्ती अहिले रतुवामाई तर्फ गएको छ ।