खाना नपकाएको भन्दै श्रीमानले गरे श्रीमतीको हत्या

काठमाडौं । भारतमा श्रीमान्ले आफ्नै श्रीमतीलाई चक्कु प्रहार गरेर हत्या गरेका छन् । झारखण्डको पाकुडमा एक पुरुषले खाना नबनाएको कारण आफ्नो श्रीमतीको हत्या गरेका हुन् ।

भारतीय प्रहरीका अनुसार ती पुरुष श्रीमतीको हत्या गरेर फरार भएका थिए । प्रहरीले फरार रहेका पुरुषलाई पछि पक्राउ गरेको हो ।

पक्राउ परेका पुरुषको बयान अनुसार उनले श्रीमतीलाई खाना बनाउनको लागि भने तर श्रीमतीले आफूलाई सन्चो नभएको भन्दै खाना नबनाएपछि उनीहरुबीच विवाद शुरु भएको थियो ।

सोही क्रममा उनले चक्क्ले श्रीमतीलाई प्रहार गरेका थिए । उनले श्रीमतीको निकै निर्मम तरिकाले हत्या गरेका थिए । भारतीय प्रहरीका अनुसार मृतक महिलाको शरीरमा १२-१२ ठाँउमा चक्कुको निसान थियो ।

श्रीमतीको मृत्यु भएपछि उनी फरार भएका थिए ।