स्वीस बैंकमा नेपालीको धन बढेकोप्रति धनराज गुरुङको व्यंग्य : ‘ब्वाँसाहरुले देश रित्याउने भए’

काठमाडौं । नेपाली कांग्रेसका केन्द्रीय सदस्य धनराज गुरुङले स्वीस बैंकमा नेपालीहरुको धनको मौज्दात बढेको भन्ने तथ्यांकप्रति आपत्ती जनाएका छन् ।

गरिबहरुलाई छाक टार्न धौधौ भएको परिरहेका बेला स्वीस बैंकमा नेपालीहरुको मौज्दात एक वर्षमा २२ अर्बबाट बढेर ८६ अर्ब प्रति आपत्ति जनाउँदै देश रित्तिन लागेको टिप्पणी गरे ।

शनिवार ट्वीट गर्दै नेता गुरुङले सेक्युरिटी प्रिटिङ प्रेस, वाइडबडी जस्ता दर्जनौँ काण्डहरुको ढाकछोप भएका कारण नै स्वीस बैंकमा नेपालीहरुको मौज्दात बढेको संकेत गरेका छन् ।

नेता गुरुङले भनेका छन्- ‘गरीबलाई छाक टार्न धौधौ छ तर स्विस बैंकमा नेपालीको कालो धनको मौज्दात १ बर्षमै २२ अर्बबाट ४६अर्ब? ब्वाँसाहरुले देश रित्याउने भए। यती,ओम्नी,सेक्युरिटी प्रिन्टिङ प्रेस,वाइडबडी जस्ता दर्जनौं काण्डहरुलाई नियाल्दा यो विषयमा पनि प्र.म.ज्युले छानवीन हैन ढाकछोप नै गर्नुहोला। भ्रष्ट शासन!’

गरीबलाई छाक टार्न धौधौ छ तर स्विस बैंकमा नेपालीको कालो धनको मौज्दात १ बर्षमै २२ अर्बबाट ४६अर्ब?
ब्वाँसाहरुले देश रित्याउने भए।
यती,अोम्नी,सेक्युरिटी प्रिन्टिङ प्रेस,वाइडबडी जस्ता दर्जनौं काण्डहरुलाई नियाल्दा यो विषयमा पनि प्र.म.ज्युले छानवीन हैन ढाकछोप नै गर्नुहोला।
भ्रष्ट शासन!

— Dhan Raj Gurung (@dhanrgrg) June 19, 2021