सिन्धुपाल्चोकमा बस दुर्घटना हुँदा तीनको मृत्यु, ९ घाइते

काठमाडौं, ९ चैत – काठमाडौंबाट सिन्धुपाल्चोक जाँदै गरेको बस दुर्घटना हुँदा तीन जनाको मृत्यु भएको छ भने नौ जना घाइते भएका छन् ।सिन्धुपाल्चोकको भोटेनाम्लाङ जाँदै गरेको बस मेलम्ची नगरपालिका–१२ को नाचघरेमा दुर्घटनामा परेको हो ।बा २ ख नम्बरको बस सडकबाट ५० मिटर तल खसेको प्रहरीले जानकारी दिएको छ । मृत्यु हुनेमा मेलम्ची नगरपालिका–१० का ४० वर्षीय चन्द्रबहादुर देउजा रहेका छन् भने अन्यको सनाखत भएको छैन ।बसमा ३५ यात्रु सवार रहेको बताइएको छ । घाइतेको काठमाडौं र मेलम्ची क्षेत्रीय अस्पतालमा उपचार भइरहेको छ ।घटना के कति कारणले भयो भन्नेबारेमा अझै खुल्न सकेको छैन ।