प्रदीपका लागि कति महत्त्वपूर्ण ‘लिलीबिली’?

काठमाडौं, ९ चैत – यतिबेला अभिनेता प्रदीप खड्का चलचित्र ‘लिलीबिली’ को प्रचारमा व्यस्त छन् । मिलन चाम्सले निर्देशन गरेको चलचित्रमा उनी अभिनेत्री जसिता गुरुङको लभर ब्याइ बनेका छन् ।अभिनेत्री जसिता गुरुङसँग विभिन्न अन्तर्वार्तामा व्यस्त भइरहेका प्रदीप आफ्ना फिल्मको प्रचारमा खुलेरै लाग्ने अभिनेतामा पर्छन् । लिलीबिलीको रिलिज मिति नजिकिँदै गर्दा उनले अभिनय गरेको चलचित्र कस्तो चल्ला भन्ने धेरैलाई लागेको छ ।किनकि यसअघि उनले लभर ब्याइमा भूमिका निभाएका दुई फिल्म ‘प्रेम गीत’ र ‘प्रेम गीत २’ व्यावसायिक रुपले सफल भइसकेका छन् । समीक्षात्मक रुपमा भने दुवै फिल्मले मिश्रित प्रतिक्रिया पाएका थिए ।यदि उनको चलचित्र ‘लिलीबिली’ चल्यो भने उनी लगातार हिट फिल्म दिने अभिनेतामा चर्चामा आउनेछन् । त्यसो त उनले अभिनय गरेको पहिलो चलचित्र नै गुमनाम भएको थियो ।प्रायः विदेशमा छायांकन गरिएको चलचित्रमा प्रदीपले देखाएको क्रेज र उनका फ्यानले कस्तो प्रतिक्रिया बाँकी नै छ तर यतिबेला भने उनी मिडियामा लगातार छाइरहेका छन् । साथै उनलाई यो किन पनि महत्त्वपूर्ण छ भने, यदि लिलीबिली सफल भयो भने सफल फिल्ममा ह्याट्रिक हान्ने अभिनेतामा गनिनेछन् प्रदीप ।