मेलम्चीमा आएको बाढीले ३ तले पक्की घर बगायो

अविरल वर्षापछि आएकोको बाढीले सिन्धुपाल्चोकको मेलम्चीमा शनिवार बिहान तीन तले पक्की घर बगाएको छ। मेलम्ची नगरपालिका ११ स्थित इन्द्रावती नदीको छेउमा रहेको तीन तले पक्की घर बाढीले बगाएको हो ।

स्थानीय गोपाल दुलालको घर बाढीले बगाएको प्रहरीले जनाएको छ। एक साताअघि आएको भीषण बाढीले सो घरमा क्षति पुगेको थियो । घरपरिवार यसअघि नै अन्यत्र स्थानान्तर भइसकेका थिए ।

एक साताअघिको भीषण बाढीका कारण दर्जनौं घरपरिवार विस्थापित भएका थिए।