राष्ट्रिय टोलीमा कोरोना पोजिटिभ देखिएका १३ जनाको दोस्रो रिपोर्ट नेगेटिभ

काठमाडौं । नेपाली राष्ट्रिय फुटबल टोलीका २० जना कोरोना पोजिटिभ देखिएका सदस्य मध्ये १३ जनाको दोस्रो रिपोर्ट नेगेटिभ आएको छ।

राष्ट्रिय टोलीको बन्द प्रशिक्षण शुरु गर्नु अघि गरिएको कोरोना प्रशिक्षणमा २० खेलाडी र अफिसियलमा कोरोना पोजिटिभ देखिएको थियो। तर बिहीवार दिउँसो आएको दोस्रो रिपोर्टमा भने १३ जनाको संक्रमण रिपोर्ट नेगेटिभ आएको अखिल नेपाल फुटबल संघ (एन्फा) का प्रवक्ता किरण राईले लोकपथलाई जानकारी दिएका छन्। बाँकि ७ जना सदस्यको रिपोर्ट भने अहिलेसम्म नआएको जानकारी दिए ।

१९ जना खेलाडी तथा अफिसियलमा संक्रमण पुष्टि हुँदा जुलाई १ बाट शुरू हुने भनिएको राष्ट्रिय टोलीको बन्द प्रशिक्षण एक साता पछाडि सरेको थियो। अहिलेसम्म राष्ट्रिय टोलीको प्रशिक्षण जुलाई ७ बाट थालिने तालिका रहेको छ।

बन्द प्रशिक्षणको लागि बोलाइएका खेलाडी

अर्पण कार्की (गोलरक्षक), विकेश कुथु (गोलरक्षक), विशाल श्रेष्ठ (गोलरक्षक), विशाल सुनार (गोलरक्षक), दिप कार्की (गोलरक्षक), किरण कुमार लिम्बू (गोलरक्षक), आशिष लामा, अभिषेक रिजाल, अमित तामाङ अनन्त तामाङ, अन्जन विष्ट, एरिक विष्ट, आयुष घलान, भरत खवास, विवेक बस्नेत, विशाल राई, दर्शन गुरुङ, दिनेश राजवंशी, डोना थापा, गौरव बुढाथोकी, गौतम श्रेष्ठ, जर्ज प्रिन्स कार्की, कमल थापा, मनिष डाँगी, मिकचेन तामाङ, नवयुग श्रेष्ठ, निरज बस्नेत, निशान खड्का, नितिन थापा, प्रकाश बुढाथोकी, प्रिजेन तामाङ, पुजन उपरकोटी, राजन गुरुङ, रजिन धिमाल, राजिव लोप्चन, रन्दिप पौडेल, पवि पासवान, रोहित चन्द, सञ्जोक राई, सन्तोष तामाङ, सेसेहाङ आङदेम्बे, शिशिर लेखी, सुदील राई, सुजल श्रेष्ठ, सुमन अर्याल, सुमन लामा, सुनिल बल, सुरज जिउ ठकुरी, तेज तामाङ, त्रिदेव गुरुङ