काठमाडौं । नेपाली राष्ट्रिय टोलीका लेग स्पिनर तथा स्टार खेलाडी सन्दीप लामिछाने आज ‘बिहीवार’ इङ्ल्यान्डतर्फ प्रस्थान गर्दै छन्।
‘जुलाई २२’ देखि आयोजना हुन गइरहेको ‘द हन्ड्रेड’ नामक प्रतियोगितामा सहभागिता जनाउन सन्दीप इङ्ल्यान्ड जान लागेका हुन्। सन्दीपको बेलायतको भिसा आउन ढिला हुँदा उनले ‘भाइटालिटी टी-ट्वेन्टी ब्लास्ट’ प्रतियोगिता भने गुमाएका थिए।
तर इतिहासमै पहिलो पटक आयोजना हुन लागेको ‘द हन्ड्रेड’ प्रतियोगितामा भने सन्दीपले पुरै सिजन ‘ओभल इनभिन्सिभल्स’बाट क्रिकेट खेल्ने पक्का भएको छ। उनले अन्तराष्ट्रिय स्टार स्याम करन, जेसन रोय, सुनिल नरैन, टम करन र स्याम विलिङस जस्ता खेलाडीसँग ओभलको टिमबाट क्रिकेट खेल्ने छन्।
गत वर्ष आयोजना हुने भनिएको ‘द हन्ड्रेड’ कोरोना महामारीका कारण एक वर्ष यता धकेलिएको थियो। सन्दीपले ‘द हन्ड्रेड’ खेले बापत १ करोड ५० लाख नेपाली रुपैयाँ पारिश्रमिक पाउने भएका छन्।
यो खबर पढेर तपाईलाई कस्तो महसुस भयो ?
प्रतिक्रिया