सुनको मूल्य बढ्यो, चाँदी घट्यो

काठमाडौं । साताको पहिलो दिन ६ सयले घटेको सुनको कारोबार मूल्य आज सोमवार भने बढेको छ। सुन तोलामा २ सयले बढेको छ भने चाँदी ५ रूपैयाँले घटेको नेपाल सुनचाँदी व्यवसायी महासंघले जनाएको छ ।

सोमवारका लागि सुनको मूल्य ९२ हजार ८ सय रूपैयाँ कायम भइ कारोबार भइरहेको छ। त्यस्तै आइतवार (हिजो) प्रतितोला ९२ हजार ६ सय थियो।

त्यसैगरी आज तेजावी सुनको मूल्य प्रतितोला ९२ हजार ३ सय रहेको छ ।

त्यस्तै सोमवार चाँदीको मूल्य प्रतितोला १२ सय ९० भएको छ। यसअघि आइतवार चाँदी १२ सय ९५ थियो।