नेपाली स्टुडेन्टस एसोसिएसन बंगलादेशको अध्यक्षमा डा. राजु साह

काठमाडौं, १७ चैत । नेपाली स्टुडेन्टस एसोसिएसन बंगलादेशको पहिलो सभाबाट डा. राजु साहको अध्यक्षतामा १५ सदस्यीय नयाँ केन्द्रिय कार्यसमिति चयन गरिएको छ । एसोसिएसन बंगलादेशमा विभिन्न कलेजहरुमा अध्ययन रहेका नेपाली विद्यार्थीहरुद्वारा खोलिएको संस्था हो ।ढाका स्थित प्लाटिनम क्लव तथा रेस्टुरेन्टमा सम्पन्न सभाबाट एसोसिएसनको उपाध्यक्षमा धिरज यादव, महासचिवमा विरेन्द्र कुमार शाह, सचिवमा सीमा खत्री, कोषाध्यक्षमा कुनाल सिंह राजपुत र प्रवक्तामा भेषराज पोखरेल चयन भएका छन् ।यस्तै ढाका डिभिजन संयोजकमा निकिता कोईराला, राजशाही डिभिजन संयोजकमा राकेश प्रधान, रंगपुर डिभिजन संयोजकमा नीति लामिछाने र चिटागंजडिभिजन संयोजकमा निरज साह रहेका छन् भने बोर्ड सदस्यमा शिवानी थापा, राजेश्वोरी भग, किरण सिंह, नितिश यादव र रिशु गुप्ता रहेका छन् ।सोहि कार्यक्रम मार्फत निकिता कोईरालाको अध्यक्षतामा अर्को ढाका डिभिजन कार्य समिति समेत चयन गरिएको छ ।उक्त समितिमा नरेश सिंह , रोशन मण्डल , अजय शाह, प्रमिशा केशी, हिमांशु शेखर , अवजित यादव , गिरिमा सुवेदी र निश्मा सुवेदी रहेका छन् ।