वर्षाका कारण वेस्ट इन्डिज र पाकिस्तानबीचको पहिलो टी-ट्वेन्टी खेल रद्द

काठमाडौं। वेस्ट इन्डिज भ्रमणमा रहेको पाकिस्तानी क्रिकेट टोली र घरेलु राष्ट्रबीचको पहिलो टी-ट्वेन्टी खेल वर्षाका कारण रद्द भएको छ।

बार्बाडोसको ब्रिजटाउनस्थित केन्सिङटन ओभलमा भएको खेलमा पाकिस्तानले टस जितेर पहिले बलिङ गर्ने निर्णय गरेको थियो। वर्षाले निकै प्रभावित खेलमा घरेलु टोलीले ९ ओभरमा ८५ रन बनाउँदा ५ विकेट गुमाएको थियो।

वेस्ट इन्डिजका कप्तान केइरन पोलार्डले ९ बलमा अविजित २२ रन जोड्न सफल भएका थिए भने अन्य ब्याट्सम्यान सस्तोमै समेटिएका थिए। पाकिस्तानका लागि हसन अलीले २ विकेट लिंदा डेब्यू बलर मोहम्मद वसिमले विस्फोटक ब्याट्सम्यान क्रिस गेललाई पविलियन फर्काएका थिए।

खेलमा वर्षाले निकै बाधा पुर्याएपछि त्यस पश्चात् खेल कुनै पनि नतिजा बिना रद्द गरिएको थियो।