अस्ट्रेलियाद्वारा टी-ट्वान्टी विश्वकपका लागि बलियो टोलीको घोषणा

काठमाडौं। आगामी अक्टोबर १७ देखि नभेम्बर १४ सम्म युएई तथा ओमानमा आयोजना हुन लागेको टी-ट्वान्टी विश्वकप २०२१ को लागि अस्ट्रेलियाले आफ्नो टिमको घोषणा गरेको छ।

कप्तान आरोन फिन्च तथा उप-कप्तान प्याट कमिन्ससहित अस्ट्रेलियाले १५ सदस्सीय टोली सम्मिलित बलियो टिमको घोषणा गरेको छ। अस्ट्रेलियाको टिममा डेभिड वार्नर, स्टिभ स्मिथ र ग्लेन म्याक्सवेल जस्ता विस्फोटक ब्याट्सम्यान सम्मिलित छन्।

त्यस्तै अलराउन्डरमा मिचेल मार्स, मार्कस स्टोइनस, एस्टन अगर र केन रिचार्डसन जस्ता खेलाडी सम्मिलित छन्। तिब्र गतिको बलिङमा अस्ट्रेलियाले उप-कप्तान प्याट कमिन्ससहित मिचेल स्टार्क र जोश हेजलवुडलाई भरोसा गरेको छ। स्पिनरमा एडम जाम्पा रहेका छन् भने विकेट किपिङको जिम्मेवारी म्याथ्यु वेड र जोश इंग्लिसले पाएका छन्।

इंग्लिस पहिलो पटक अस्ट्रेलियाको टोलीमा सम्मिलित भएका हुन्। वैकल्पिक खेलाडीमा अस्ट्रेलियाले भेट्रान अलराउन्डर ड्यान क्रिस्टियन, ड्यान स्याम्स र नेथन एलिसलाई सहभागी गरेको छ।

अस्ट्रेलियाले विकेट किपर एलेक्स केरी, भेट्रान अलराउन्डर मोइसेस हेनरिकेस, विकेट किपर ब्याट्सम्यान जोश फिलिप तथा मिडल अर्डरको ब्याट्सम्यान मार्नस लाबुशेनलाई भने टोलीमा राखेको छैन।