डिशहोमको फाइबरनेट सेवा बनेपामा विस्तार

काठमाडौं । डिशहोमको फाइबरनेट सेवा बनेपामा विस्तार भएको छ । छोटो समयमै तीव्ररुपमा आफ्नो सेवा विस्तार गरिरहेको कम्पनीले आफ्नो इन्टरनेट सेवा बनेपाका विभिन्न स्थानमा विस्तार गरेको हो ।

डिशहोमको फाइबरनेटका साथमा प्रयोगकर्ताले आईपी टिभी, डिशहोम गोको मोबाइल एप र वेब साथै एक्सभीओडी सेवा निःशुल्क रुपमा प्रयोग गर्न पाउनेछन् । फाइबरनेटका योजनाहरू १० एमबीपीएसदेखि १०० एमबीपीएससम्म उपलब्ध छन् ।

काठमाडौं, भक्तपुर, ललितपुर, हेटौंडा, इनरुवा, इटहरी, बर्दिवास, बुटवल, धरान, ढल्केबर, जनकपुर र विराटनगरमा यसअघि नै डिशहोम फाइबरनेटको सेवा पुगिसकेको छ ।

छिटै नेपालका प्रमुख सहर पोखरा, नेपालगञ्ज, धनगढी, विर्तामोड, वीरगञ्जलगायत अन्य स्थानमा पनि फाइबरनेट विस्तार गर्ने कम्पनीको योजना छ ।

डिशहोम फाइबरनेटको बारेमा थप जानकारी चाहिएमा ९८०१५४४००० मा सम्पर्क गरी जानकारी प्राप्त गर्न सकिने कम्पनीले जनाएको छ ।