सुनको मूल्य सामान्य गिरावट

काठमाडौं । बिहीबार नेपाली बजारमा सुनको मूल्यमा सामान्य गिरावट आएको छ ।

नेपाल सुनचाँदी व्यवसायी महासंघका अनुसार बुधबारको तुलनामा बिहीबार छापावाला सुनको मूल्य तोलामा २ सयले गिरावट आएको हो । बुधबार नेपाली बजारमा सुनको मूल्य ९१ हजार ३ सय रहेकोमा आज मूल्य गिरावट आइ ९१ हजार १ सय कायम भइ कारोबार भइरहेको महासंघले जनाएको छ ।

त्यस्तै आज तेजावी सुनको मूल्य ९० हजार ६ सय रहेको छ ।

महासंघका अनुसार बिहीबार चाँदीको मूल्यमा स्थिरता छाएको छ । बुधबार प्रतितोला चाँदी १२ सय १० रहेकोमा आज पनि त्यहि मूल्य कायम भइ कारोबार भइरहेको महासंघले जनाएको छ ।