आकाशले देखाएनन् आशा

काठमाडौं, २७ चैत – चलचित्र ‘तिमी सँग’ यतिबेला नेपालभर रिलिज भइरहेको छ । फिल्मको रिलिजअघि चलचित्रको प्रमोशनलाई लिएर मुख्य भूमिकामा अभिनय गरेका आकाश श्रेष्ठ पछिल्लो समय सुदर्शन थापाको फिल्म ‘रामकहानी’ को शूटिङमा व्यस्त हुँदा उनी मिडियामा त्यति देखिएनन् । बरु साम्राज्ञी र नाजिरले मिडियाका लागि समय दिए ।फिल्म रिलिज भयो, एक त फिल्मले ‘शत्रु गते’ को व्यापारकै कारण धेरै हल पाएन भने अर्कातिर मुख्य कलाकार आकाशको साथ पनि पाएन । अझ अर्को कुरा फिल्म रिलिजपछि आकाश श्रेष्ठको अभिनयले पनि तारिफ पाएन । दर्शकले उनको अभिनयको तारिफ गरेनन् ।फिल्ममा मुख्य भूमिका आकाश खड्काको नै छ । तर उनले फिल्मलाई बाँधेर राख्न सकेका छैनन् । पाइपलाइनमा फिल्म भइरहेका आकाश पछिल्लो समय दर्शकले आशा गरेका अभिनेता त हुन् तर उनको अभिनयमा भने खासै दम देखिएको छैन । चकलेटी अभिनेतामा गनिने नाम त हुन् आकाश, तर उनले आफ्नो अभिनय सुधार्न सकेनन् भने दर्शकले नपात्याउने पो हुन् कि?