चलचित्र ‘जात्रा’ को सिक्वेल बन्ने, उनै कलाकार दोहोरिने

काठमाडौं, २३ चैत – चलचित्र ‘जात्रा’ को चर्चा अझै सेलाएको छैन । यसका कलाकारको चरित्र अझैपनि धेरै दर्शकको मनमा बसेको छ । अब यही चलचित्रको दोस्रो भाग निर्माण हुने भएको छ ।यही चलचित्रबाट चर्चामा आएका निर्देशक प्रदिप भट्टराईले फिल्मलाई निर्देशन गर्ने भएका छन् । यसका स्वीकेलको नाम ‘जात्रै जात्रा’ राखिएको छ भने यो चलचित्र अर्को वर्षको फागुन १७ गते प्रदर्शनमा आउनेछ ।चलचित्रका धेरैजसो कलाकार दोहोरिने छन् । त्यस्तै फिल्ममा नयाँ कलाकार पनि थपिन सक्नेछन् । निर्माता समेत रहेका रविन्द्र सिंह बानियाँ अन्य फिल्ममा नदेखिए पनि फिल्मका अन्य मुख्य कलाकार विपिन कार्की र रविन्द्र झा भने अन्य फिल्ममा पनि देखिएका छन् ।