सुनचाँदीको मूल्यमा गिरावट

काठमाडौं । आज (बुधबार) पनि नेपाली बजारमा सुनचाँदीको मूल्यमा गिरावट आएको छ ।

मंगलबार नेपाली बजारमा छापावाला सुनको मूल्य ९१ हजार २ सय रहेको थियो । आज २ सय रुपैयाँले घटेर ९१ हजार रुपैयाँ मूल्य कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यसैगरी आज तेजावी सुनको मूल्य ९० हजार ५ सय रहेको छ ।

महासंघका अनुसार सोमबार चाँदीको मूल्यमा पनि गिरावट आएको छ । मंगलबार १२ सय ५ रहेको चाँदीको मूल्य आज बुधबार १२ सय रुपैयाँ मूल्य कायम भइ कारोबार भइरहेको छ ।