काठमाडौं । आइतबारदेखि नेपालमा मनसुन फेरि सक्रिय हुने भएको छ । मौसम पूर्वानुमान महाशाखाले आइतबारदेखि नेपालमा फेरि मनसुन सक्रिय हुने बताएको हो ।
महाशाखाका अनुसार मनसुनी न्यूनचापीय रेखा अहिले नेपालको तराईभन्दा थोरै पर रहेको र त्यो रेखा नजिक आएपछि मनसुनको सक्रियता बढ्ने छ ।
त्यस्तै, महाशाखाले आज दिउँसो देशभर सामान्य बदली रही धेरै स्थानहरुमा हल्कादेखि मध्यम वर्षाको सम्भावना रहेको बताएको छ । प्रदेश १ र गण्डकी प्रदेशका एक वा दुई स्थानमा मेघ गर्जन र चट्याङसहित भारी वर्षाको सम्भावना रहेको महाशाखाले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया