तास खेलिरहेको अवस्थामा ५ जना पक्राउ

काठमाडौं । गोकर्णेश्वर नगरपालिका–६ नारायणटारस्थित टहरामा तास खेलिरहेको अवस्थामा ५ जना पक्राउ परेका छन् ।

सोही नगरपालिका–८ घर भएका पूर्ण बहादुर तामाङ समेत ५ जनालाई शुक्रबार दिउँसो प्रहरीले पक्राउ गरेको छ ।

उक्त स्थानमा तास खेलिरहेको भन्ने सूचनाको आधारमा महानगरीय प्रहरी वृत्त बौद्धबाट खटिएको प्रहरीले उनीहरुलाई नगद ४१ हजार २ सय ६५ रुपैयाँ र ३ बुक तास सहित पक्राउ गरेको हो ।

यस सम्बन्धमा थप अनुसन्धान भइरहेको प्रहरीले जनाएको छ ।