काठमाडौं। जारी यूएस ओपन २०२१ अन्तर्गत महिला विधातर्फ विश्व नम्बर १ आशली बार्टी अमेरिकाकी शेलबी रोजर्ससँग पराजित भएकी छिन्।
आर्थुर आशे स्टेडियममा आईतवार सम्पन्न तेस्रो चरणको खेलमा रोजर्सले अस्ट्रेलियाकी बार्टीलाई ६-२, १-६ र ७-६ (७/५) को सेटमा पराजित गरेकी हुन्। पहिलो सेट आफ्नो पक्षमा पारेकी रोजर्सले दोस्रो सेटमा हार बेहोरेकी थिइन्।
दुई सेटको अन्त्यसम्म १-१ को बराबरी खेलेका दुवै खेलाडीलाई तेस्रो तथा निर्णायक सेटमा जित अपरिहार्य रहेको थियो। निकै नै प्रतिस्पर्धात्मक तेस्रो सेटको टाई ब्रेकरमा रोजर्सले जित दर्ता गरेकी हुन्।
उनले टाई ब्रेकरमा बार्टीलाई ७-५ ले पराजित गर्न सफल भइन्। रोजर्सले खेलमा कुल ८६ अंक जित्दा मात्र १ डबल फल्ट गरेकी थिइन्।
यो खबर पढेर तपाईलाई कस्तो महसुस भयो ?
प्रतिक्रिया