‘जय भोले’ को टिजर सार्वजनिक, खगेन्द्र, स्वस्तिमा र सौगात एकसाथ

काठमाडौं, २९ चैत – चलचित्र ‘जय भोले’ को टिजर सार्वजनिक भएको छ । निर्देशक अशोक शर्माको कमब्याक सिनेमा मानिएको ‘जय भोले’ को टिजर रोमान्टिक  छ । शर्माले झण्डै १२ वर्षपछि फिल्म निर्देशनमार्फत आउन थालेका हुन् ।टिजरले दर्शकमा कौतुहलता जगाउँछ । ह्युमर तथा सोसल कमेडी ड्रामामा खगेन्द्र लामिछाने, सौगात मल्ल, स्वस्तिमा खड्का, सलोन बस्नेत, राजाराज पौडेल लगायत टिजरमा अटाएका छन् । फिल्म ०७५ को दशैंको फूलपातीमा रिलिज हुने बताइएको छ । दुई केटा साथिबीचको भावनात्मक मित्रता र प्रेमको कथालाई सिनेमाले उठाएको छ ।चलचित्रमा खगेन्द्र लामिछानेको पटकथा छ भने पुरुषोत्तम प्रधानले छायांकन गरेका छन् । त्यस्तै चलचित्रमा राजनराज शिवाकोटी र कल्याण सिंहको संगीत छ । चलचित्र १ करोड ६० लाखको ब्यानरमा निर्माण भएको बताइएको छ ।चलचित्रमा निर्देशक शर्माले निर्माण गरेका हुन् ।https://www.youtube.com/watch?v=T11xm8Z2ZnY&authuser=0