सलमानको जेल सजायले ‘रेस ३’ को शूटिङ रुटिनमा फेर बदल

मुम्बई – सलमान खानलाई कालो हरिणको शिकार गरेको आरोपमा दुई दिन जेल बस्नुपरेको थियो । पछि उनी जेलबाट छुटेका त थिए, तर अदालतको इजाजतविना उनी विदेश जान नपाउने शर्त थियो ।यसै कारणले सलमान खानको फिल्म ‘रेस ३’ को शूटिङ सेडुअल प्रभावित भएको छ । भारतीय मिडियाका अनुसार निर्माता पहिले फिल्मको मुम्बईमा गर्नुपर्ने शूटिङ सकेर मात्र विदेशको शूटिङमा जानेछन् । निर्माण टिम विदेशको शूटिङका लागि अनिल कपूर, डेजी शाह, ज्याकलिन फर्नाडिज, बबी देओल लगायतसँग अब दश दिनपछि विदेशतिरका शूटिङका लागि जाने योजनामा छन् ।जेलको सजाय भोग्नुअघि सलमान खान विदेशमा शूटिङ गरिरहेका थिए । यो फिल्म सलमानका फ्यानलाई प्रतीक्षित फिल्म बनेको छ ।