पूर्व मिस नेपाल निकिता चन्दकले ‘रानीमहल’ खेल्ने भइन्

काठमाडौं, २ वैशाख – केही दिनअघि सम्पन्न भएको मिस नेपाल २०१८ पछि निकिता चन्दक फ्री भएकी छिन् । अर्थात् गत वर्ष मिस नेपालको ताज जितेर चर्चामा आएकी निकिता चन्दकले एक वर्षलाई कुनै पनि फिल्ममा काम गर्न नपाउने नियम थियो मिस नेपाल गराउने संस्थाको ।अब भने उनको त्यो मापदण्ड कटेको छ । यससँगै उनले नयाँ चलचित्रमा अनुवन्ध पनि भएकी छिन् । हो, उनले चलचित्र ‘रानीमहल’ मा अभिनय गर्ने भएकी हुन् । लामो समयदेखि अल्झिरहेको यो फिल्म केही दिनअघि नायिका वर्षा शिवाकोटीले हात झिकेपछि थन्किएको थियो ।साथै निकितासँगै यो चलचित्रमा चितवनका प्रितमराज सेन्चुरीले पनि अभिनय गर्ने भएका छन् । अन्य कलाकार भने पुरानै रहनेछन् ।बेलाबेलामा अन्तर्वार्तामा फिल्म क्षेत्रमा आउन चाहेको बताउने निकिताले कस्तो अभिनय गर्ने हुन् । र, आफूलाई यही क्षेत्रमा स्थापित गर्छिन् या गर्दिनन् भन्ने त पहिलो फिल्मले नै देखाउला । अहिले भने उनलाई निर्देशन गर्दैछन् हिमाल न्यौपानेले ।यो चलचित्रको कथा दीपक पौडेलले लेखेका हुन् । त्यस्तै नीर शाह, रश्मी भट्ट लगायतका कलाकारले पनि फिल्ममा अभिनय गर्नेछन् ।