काठमाडौं। स्पेनिश ला-लिगाअन्तर्गत शनिवार राती खेलिएको खेलमा साविक विजेता एथ्लेटिको मड्रिडले एथ्लेटिक बिलबाओसँग गोलरहित बराबरी खेलेको छ।
एथ्लेटिको मड्रिडको घरेलु मैदान वान्डा मेट्रोपोलिटियानोमा भएको खेलमा दुवै टोलीले निकै प्रतिस्पर्धात्मक खेल प्रस्तुत गर्दा पनि गोल भने गर्न असफल रहेका थिए। घरेलु टोली मड्रिडले खेलमा कुल १४ शट प्रहार गरेपनि निर्णायक गोल भने गर्न सकेन।
खेलको ७८औं मिनेटमा घरेलु टोलीका स्ट्राइकर जाओ फेलिक्सले दोहोरो पहेंलो कार्ड प्राप्त गरेर मैदानबाट बाहिरिएका थिए। त्यसपछि खेलमा १० खेलाडीमा सिमित भएको मड्रिडमाथि बिलबाओले गोल भने गर्न सकेन र खेल बराबरीमा सकियो।
यो खबर पढेर तपाईलाई कस्तो महसुस भयो ?
प्रतिक्रिया