भ्यालेन्सियाविरुद्ध रियलको शानदार पुनरागमन जित

काठमाडौं। स्पेनिश ला-लिगाअन्तर्गत आईतवार राति खेलिएको खेलमा रियल मड्रिडले भ्यालेन्सियामाथि २-१ गोलको पुनरागमन जित निकालेको छ।

भ्यालेन्सियाको घरेलु मैदानमा खेलिएको खेलको पहिलो हाफ दुवै टोलीले गोलरहित बराबरी खेलेका थिए। दोस्रो हाफको ६६औं मिनेटमा घरेलु टोलीले अग्रता लिएको थियो।

भ्यालेन्सियाका लागि हुगो डुरोले गोल गर्दै घरेलु टोलीलाई अग्रता दिलाउन सफल भएका थिए। तर खेल सक्किन मात्र ५ मिनेट बाँकि रहँदा रियलले खेलमा पुनरागमन सुरु गरेको थियो।

खेलको ८६औं मिनेटमा रियलका फरवार्ड भिनिसियस जूनियरले बराबरी गोल गरेका थिए। त्यसको २ मिनेट पश्चात् रियलले खेलमा अग्रता लिन सफल पनि भएको थियो।

रियलका लागि कप्तान स्ट्राइकर करिम बेन्जेमाले खेलको ८८औं मिनेटमा विजयी गोल गर्दै पाहुना टोलीलाई अंक तालिकाको शीर्ष स्थानमा पुर्याउन सफल भएका थिए।