फिल्म निर्माता अर्जुन कुमारलाई प्रहरीले समात्यो

काठमाडौं, ५ वैशाख – चलचित्र निर्माता तथा गायक अर्जुन कुमार डंगोललाई प्रहरीले पक्राउ गरेको छ । उनलाई महानगरीय प्रहरी कार्यालय, टेकुले पक्राउ गरेको बताइएको छ ।व्यापारी रघु अग्रवालले चेक बाउन्स गरेको भनेर दिएको निवेदनका आधारमा उनलाई प्रकाउ गरिएको डिएसपी मोहन थापाले पुष्टि गरे । उनले लोकपथलाई भने, ‘उनीमाथि परेको निवेदनका आधारमा पक्राउ गरिएको हो, यसबारेमा भोलि पीडित आएपछि मुद्दा चलाउने कि नचलाउने भन्ने थाहा हुन्छ ।’उनलाई प्रहरीले घरबाटै पक्राउ गरेको हो । खबरका अनुसार व्यापारी रघु अग्रवालले आजै कागज गरेर मिलापत्र गर्ने जनाइएको छ ।पछिल्लो समय चलचित्र ‘फाटेको जुत्ता’ फिल्म निर्माण गरेका अर्जुन कुमार डंगोलले केही दिन अघि पागल गीत बजारमा ल्याएका थिए ।