‘छक्का पञ्जा ३’ मा दिपिकासँग दीपकको जोडी, वर्षा टिमबाट आउट

काठमाडौं – नेपाली फिल्ममा अहिले सम्मकै सर्वाधिक सफल सिनेमा  'छक्का पञ्जा' को सिरिज 'छक्का पञ्जा ३' का  लागि निर्माण टिमले मुख्य नायिका फाइनल गरेको छ । निर्माता दिपकराज गिरीका अनुसार फिल्ममा 'एश्वर्य' डेब्यु गर्ल दिपिका प्रसाईले साइन गरेकी छिन् । सिनेमाको कथाले बोल्ड एण्ड ब्युटी हिरोइन मागेकोले पनि आफ‍ूहरुले दिपिकालाई 'छक्का पञ्जा ३' मा लिएको बताए ।

दीपिकाको प्रवेशसँगै 'छक्का पञ्जा ३' बाट बर्षा राउत आउट भएकी छिन् भने प्रियंकाको पनि गेष्ट रोल मात्रै रहेको सुन्नमा आएको छ । बैशाख १७ गतेबाट फ्लोरमा जान लागेको सिनेमामा दिपिकाका अलवा दिपकराज गिरी, केदार घिमिरे, जितु नेपाल, बुद्धि तामाङ लगायतका कलाकारको मुख्य भुमिका रहने छ । यस्तै 'छक्का पञ्जा ३' लाई निर्देशन दीपाश्री निरौलाले गर्नेछिन् । यसअघि उनले निर्देशन गरेका दुई सिरिज पनि व्यावसायिक रुपमा सफल भएका थिए ।