सविन र आँचलको जोडीमा ‘हिरो रिटर्न्स’ को शीर्ष गीत रिलिज, रेखा अटाइनन्

काठमाडौं । अभिनेता सविन श्रेष्ठले निर्माण गरेको सिनेमा 'हिरो रिटर्न्स' को शीर्ष गीत रिलिज गरिएको छ । सार्वजनिक गीतमा नायक सविन श्रेष्ठ, आँचल शर्मालाई फिचर गरिएको छ । वैशाख २८ गते रिलीज मिती तोकिएको सिनेमाको पर्दशन मिती पोष्टपोन्ड गरिएको छ । सिनेमाको नयाँ पर्दशन मिती तय गरिएको छैन । तर सिनेमाको शिर्ष गीत भने रिलीज गरिएको छ । 

अब सिनेमाको प्रचार प्रसार अघाडी बढाउनको लागी गीत रिलीज गरिएको निर्माता गौतमले बताए । गीतमा नायिका आँचल शर्मालाई बोल्ड देखाइएको छ । सार्वजनिक गीतमा सिनेमाकी मुख्य कलाकार नायिका रेखा थापालाई समावेश गरिएको छैन । मदन कस्यप घिमिरेले छायाँकन गरेको सिनेमालाई जगं बहादुरको कोट निर्देशक आशिष भेटवालले निर्देशन गरेका हुन् ।

सिनेमामा सरोज खनाल, रेखा थापा, दिल श्रेष्ठ, सुलेमान शंकर ईकु, सुरेश थापा, रोशन श्रेष्ठ, डिवि बम्जन, सुशान्त श्रेष्ठ, किरण थापा, लक्ष्मी गिरी लगायतका कलाकारको अभिनय रहेको छ । भिम न्यौपाने र अमित श्रेष्ठले निर्माण गरेको सिनेमामा चन्द्र पन्तको दन्द्ध निर्देशन रहेको छ । भने सिनेमामा दिपक शर्मा र टंक कुढाथोकीको संगीत रहेको छ ।