काठमाडौं । नायक अनमोल केसीले अभिनय चलचित्र ‘क्याप्टेन’मा ह्याण्ड्समा भिलेन प्रशान्त ताम्राकारको प्रवेश भएको छ । उनले चलचित्रमा अनमोलको फुटबल कोचको भुमिकामा देखिने छन् । नायक भुवन केसीले निर्माण गर्ने चलचित्रलाई दिवाकर भट्टराईले निर्देशन गर्ने छन् ।
‘एश्वर्य’बाट एकाएक चर्चामा आएका प्रशान्तले अहिले एकपछि अर्को गर्दै ठूला व्यानरका चलचित्रमा काम गर्ने अवसर पाएका छन् । उनले ‘रणवीर’ र ‘जय शम्भु’को छायांकन सकाएका छन् भने बुधबार देखि छायांकन हुने चलचित्र ‘क्याप्टेन’मा व्यस्त हुँदै छन् ।
अघिल्लो आइतबार देखि इलाममा सुटिङ्ग सुरु गरिएको सिनेमाको आगामी बुधबारदेखि झापामा सिनेमाको सुटिङ्ग सुरु गरिने निर्देशक दिवाकर भट्टराईले बताए ।
‘क्याप्टेन’मा अनमोल केसी, सरोज खनाल, प्रशान्त ताम्राकार, उपासना सिंह ठकुरी, प्रियंका एमभी लगायतका कलाकारको मुख्य भुमिका रहनेछ । चलचित्रमा चर्चित संगीतकार अर्जुन पोखरेलको संगीत रहनेछ ।
यो खबर पढेर तपाईलाई कस्तो महसुस भयो ?
प्रतिक्रिया