बिहीबार सुनको मूल्य बढ्यो, कतिमा कारोबार हुँदैछ ?

काठमाडौं । नेपालमा सुनको मूल्य प्रतितोला ४ सय रुपैयाँले उकालो लागेको छ । स्थानीय बजारमा आज छापावाल सुनको मूल्य प्रतितोला ९२ हजार ४ सय रुपैयाँ तोकिएको छ ।  बुधबार छापावाल सुन प्रतितोला ९२ हजार रुपैयाँ कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कानुसार तेजाबी सुनको आजको मूल्य प्रतितोला ९१ हजार ९ सय रुपैयाँ रहने छ जसको मूल्य बुधबार ९१ हजार ५ सय रुपैयाँ तोकिएको थियो ।

त्यस्तै, चाँदी प्रतितोला एक हजार २५० रुपैयाँमा कारोबार हुने महासङ्घले जनाएको छ । चाँदी बुधबार प्रतितोला एक हजार २५० रुपैयाँमा नै कारोबार भएको थियो । महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।