व्यस्त वर्षाको, अमेरिका मस्ती (फोटो फिचर)

काठमाडौं । 'नाई नभन्नु ल २' बाट नेपाली चलचित्र उद्योग डेव्यु गरेकी नायिका हुन वर्षा सिवाकोटी । उनले 'नाइ नभन्नु ल २' पछि केही समय राम्रो सिनेमा नपाएको भन्दै खाली बस्नु परेको थियो । त्यस पछि उनले 'पशुपती प्रसाद'मा काम गरिन् । यो चलचित्रबाट उनले निकै चर्चा बटुलिन त्यस पछि उनले 'सुब्बासाव', 'लप्पन छप्पन', 'कारखाना' लगायतका चलचित्रमा अभिनय गरेकी छिन् । 

तर यि सिनेमाले दर्शकबाट सकरात्मक प्रतिक्रिया पाएनन् । तर अहिले वर्षाले एक पछि अर्को ठुला र नाम चलेका व्यानरमा काम गरिरहेकी छन । उनले अहिले 'भैरे' र 'जय शम्भु'को छायाँकन सकेर केहि समय आराम गर्ने भन्दै वर्षा केहि दिन पहिले अमेरिका पुगेकी छिन् । 

वर्षाले अमेरिकाबाट हामीसँग कुरा गर्दै भनिन् म केही समय कामको चापबाट मुक्त भएर घुम्न र केही कार्यक्रमका लागी अमेरिका आएको र अमेरिकाबाट फर्के लगत्तै मिलन चाम्सको निर्देशनमा निर्माण हुने चलचित्र 'विर विक्रम २' को छायांकन सुरु गर्ने बताइन । वर्षाले केहि समय पहिले 'नाइ नभन्नु ल ५'मा स्वस्तीमा खड्काको फुपुको भुमिकामा काम नगर्ने भनेर छोडेकी हुन् । त्यस्तै साइन गरेको लामो समय सम्म छायाँकनमा जान नसकेको सिनेमा 'रानीमहल'बाट पनि वर्षाले हात झिकिन् । कारण थियो अन्तिम समयमा आएर सिनेमाको टिम र कथा परिवर्तन हुनु ।

यस्तै वर्षाले मिलन चाम्सको निर्माण निर्देशन रहने अर्को सिनेमा 'गाँउ खाने कथा'मा पनी मुख्य भुमिका रहने पक्का भएको छ । यो सिनेमाको केहि दिन पहिले चलचित्र विकाश बोर्डमा नाम दर्ता गर्दै निर्माण इजाजत लिएको छ । यो सिनेमाको विकाश बोेर्डमा नाम दर्तामा निर्देशक आफ्नो नाम राखे पनि सिनेमा छायाँकन हुदा अर्कै निर्देशक रहने सम्भावना रहेको श्रोतको भनाइ छ । 'गाँउ खाने कथा'मा वर्षाका अलवा विकाश सुवेदीको मुख्य भुमिका रहने छन । अहिले नै सिनेमाको बारेमा केहि जानकारी गाराईएको छैन् ।  श्रोतका अनुसार यो सिनेमाको 'विर विक्रम २' को छायाँकन पछि मात्रै सवै कुरा फाइनल गरिने छ ।