काठमाडौं । जेठ १८ गतेबाट रिलीज हुने चलचित्र ’अमेरिका बोइज’को ट्रेलर सार्वजनिक भएको छ ।
आज काठमाडौंमा आयोजित एक कार्यक्रमकाबीच चलचित्रको ट्रेलर रिलीज गरिएको हो । प्रवेश पौडेलले निर्देशन गरेको चलचित्रको ट्रेलरमा सम्पूर्ण कलाकारलाई फिचर्ड गरिएको छ ।
’सीबर्ड्स पिक्चर्स’ र ’बडी इन्टरटेनमेन्ट’को ब्यानरमा निर्माण गरिएको चलचित्रमा इन्द्र प्रसाद खरेल र प्रकाश भुजेलको लगानी रहेको छ भने चलचित्रका कार्यकारी निर्माता समिर खरेल हुन् । अमेरिका बोइजमा अनिल थापा, यमुना खरेल र राज केसी चलचित्रका सहनिर्माता हुन् ।
विवेक पाण्डेको कथा, पटकथा सम्वाद रहेको चलचित्रमा दिपक आजे र जयन जे वाइवाको संगीत, सुनिल क्षेत्री नेपाली ठिटोजको कोरियोग्राफी, सम्राट बस्नेतको द्वन्द निर्देशन आलोक शुक्लाको छायांकन रहने चलचित्रलाई निमेष श्रेष्ठले सम्पादन गरेका हुन् ।
चलचित्रमा अर्पण थापा, सुनिल थापा, सन्दिप क्षेत्री, हरिहर शर्मा, कामेश्वोर चौरासिया, अभय बराल, आशिष प्रसाई, श्रीस्टी कार्की, सारदा गिरी, रश्मि भट्ट, रमा थपलिया, सुवास गजुरेल, राजु खरेल, मनिष राउत लगायतको अभिनय रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया