काठमाडौं । देव कुमार श्रेष्ठको निर्देशनमा निर्माण भएको सिनेमा 'दि कर्मा'को यतिवेला छायांकन सकिएर पोष्ट प्रोडक्सनको काम धमाधम भैरहेको छ । सिनेमाको घोषणा कार्यक्रममा मुख्य नायिकाको खोजी भैरहेको बताएको निर्माण टिमले छायांकन सकिएर पोष्टको काम भैरहेको समयमा सिनेमाका मुख्य दुई नायिका सार्वजनिक गरेको हो ।
सिनेमामा परमिता आरएल राणा र नायिका निता ढुगांनाको मुख्य भुमिका रहेको जानकारी निर्माण टिमले दिएको छ । सार्वजनिक दुई फोटोमा परमिता, निता र बुद्धि तामाङलाई देख्न सकिन्छ । सिनेमामा कसको भुमिका कस्तो छ त्यो सिनेमाको ट्रेलर र गीत सार्वजनिक पश्चात थाहा हुने निर्माण टिमको भनाइ छ ।
नेपाल भारतको सिमा क्षेत्रमा घट्ने विभिन्न घटनाको वरीपरी सिनेमाको कथा घुन्ने छ । जय राज राय र निशा खतिवडाले निर्माण गरेको सिनेमालाई हिंन्दी र नेपाली भाषामा निर्माण गरिएको छ ।‘दि कर्मा’ मा भारतका मोडल तथा कलाकार करण वर्माको पनि लिड रोल छ । भदौ रिलिज लक्ष्य राखिएको सिनेमा नेपालसँगै भारतमा समेत रिलीज हुनेछ ।
परमिता एक सिंहासनको आकर्षक आसनमा बसेकी छिन् । तश्बिर हेर्दा उनी सिनेमामा रानी वा लेडी डनको भूमिकामा हुन सक्ने अनुमान लगाउन सकिन्छ । उनको छेवैमा कलाकार बुद्दी देखिएका छन् । उता नीता भने फरक तश्बिरमा आँखाबाट गोली मारिरहेकी छिन् ।
जय मिडिया म्यानेजमेन्ट प्रा.लि.को ब्यानरमा बनेको ‘दि कर्मा’ को छायांकन नेपालको तराई क्षेत्र र भारतको सिक्कीममा भएको छ । जय राज रायको कथामा रहेको यस सिनेमालाई रामेश्वर कार्कीले छायांकन गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया