फिल्म ‘कुम्भ करण’ को ट्रेलर कस्तो छ?

काठमाडौं । चलचित्र ‘कुम्भकरण’ को ट्रेलर सार्वजनिक गरिएको छ । काठमाडौंमा एक औपचारिक कार्यक्रमको आयोजना गरी ट्रेलर सार्वजनिक गरियो ।

निर्धारित समयभन्दा झण्डै एक घण्टा ढिलो गरी शुरु भएको कार्यक्रममा ट्रेलर रिलिजपछि बोल्दै फिल्मका निर्देशक दीपक ओलीले फिल्म राम्रो बनेको बताए । उनले यसअघि रोल्पा रोग निर्देशन गरेका थिए ।

विद्यालयमा पढाउने एक शिक्षिकालाई नेपाली शिक्षक, प्रअ र कार्यालय सहायकले मन पराउने कथामा चलचित्रको कथा उनिएको छ । फिल्मको कथा, संवाद र प्लट महेश दवाडीले लेखेका हुन् ।
फिल्मको गाउँको कथालाई समावेश गरिएको छ भने डार्क कमेडीमा सस्पेन्स मिसाइएको छ ।

साथै चलचित्रमा भोलाराज सापकोटा, गौरव पहारी, अभय बराल, निशा अधिकारी, प्रमोद अग्रहरी, कमल गाउँले, प्रतिभा क्षेत्री लगायतका कलाकारले अभिनय रहेको छ ।

चलचिलाई मिलन श्रेष्ठले सम्पादन गरेका हुन् भने चित्रबहादुर घर्ती मगर र क्षितिज बस्नेतले फिल्म निर्माण गरेका हुन् । साथै फिल्ममा गिरप्रसाद घर्ती मगर र विजय श्रेष्ठ सह–निर्माताका रुपमा रहेका छन् ।

चलचित्रलाई प्यूठान र काठमाडौंमा छायांकन गरिएको छ ।