काठमाडौं । मेरोमाइक्रोफाइनान्स लघुवित्त वित्तीय संस्था लिमिटेडको नवौं वार्षिक साधारण सभाबाट अध्यक्षमा पुनर्निर्वाचित सन्जिब मानन्धरले मंगलबार शपथ ग्रहण गरेका छन्।
नेपाल राष्ट्र बैंकका कार्यकारी निर्देशक देवकुमार ढकाल समक्ष अध्यक्ष मानन्धरले शपथ ग्रहण गरेका हुन् । गत शुक्रबार सम्पन्न भएको साधारण सभाबाट संचालक पदमा निर्वाचित भइ संचालक समितिको बैठक न.११९ बाट अध्यक्ष पदमा मनोनित गरिएको हो ।
साथै, अध्यक्ष सहित आगामी चार वर्षका लागि ४ सदस्यीय नयाँ सञ्चालक समिति चयन गरेको थियो । छलफल तथा अनुमोदनका लागि पेस भएका सम्पूर्ण प्रस्ताव सभाले पारित गरेको थियो । सभाले चुक्ता पुँजीको २० प्रतिशत बोनस सेयर पनि पारित गरेको संस्थाले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया