१० पटकका च्याम्पियन स्पेनी राफेल नाडाल जारी फ्रेन्च ओपन टेनिसको क्वाटरफाइनलमा प्रवेश गरेका छन् ।
आइतबारराती सम्पन्न भएको चौथो चरणको खेलमा नाडालले जर्मनीका मासीमिलेन मार्टेररलाई तिन—शुन्यको सोझो सेटमा पराजित गदै अन्तिम आठको स्थान तय गर्न सफल भएका हुन् । नाडालले खेलको पहिलो सेट ६—३ ले सहजै आफ्नो पारेका थिए । दोस्रो सेट ६—२ र अन्तिम सेट ट्राइब्रेकरमा ७—६ ले जित्दै अघिल्लो चरणको यात्रा तय गर्न सफल भए ।
अब सेमिफाइनल प्रवेशका लागी नाडालले आफ्नै देशका डिएगो स्वार्टम्यानसँग प्रतिस्पर्धा गर्नेछन् । त्यस्तै, आइतबारराती नै भएको अर्को खेलमा क्रोशियाका मारिन सिलिकले इटालीका फाबियो फोग्निनीलाई निकै प्रतिस्पधात्मक ३—२ को सेटमा पराजित गर्दै क्वाटरफाइनलमा प्रवेश गरे । यता अमेरिकी जोन इस्नर भने प्रतियोगिताको चौथो चरणबाटै बाहिरिएका छन् ।
इस्नर अर्जेन्टिनी जुवान मार्टिन डेल पोर्टोसँग तिन—शुन्यको सोझो सेटमा पराजित भए । जितसँगै डेल पोर्टो भने प्रतियोगिताको अन्तिम आठमा प्रवेश गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया