सुनको मूल्य बढ्यो

काठमाडौं । सुनचाँदी बजारमा साताको अन्तिम कारोबार दिन आज सुनको मूल्य बढेको छ । आज छापावाल सुनको मूल्य प्रतितोला ६ सय रुपैयाँले उकालो लागेको छ । अघिल्लो दिन प्रतितोला ९२ हजार १ सय रुपैयाँमा कारोबार भएको पहेँलो धातुको मूल्य आज प्रतितोला ९२ हजार ७ सय रुपैयाँ तोकिएको छ ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९२ हजार २ सय रुपैयाँ छ । जुन बिहीबार प्रतितोला ९१ हजार ६ सय रुपैयाँ थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १५ रुपैयाँले बढेर एक हजार २६० रुपैयाँ पुगेको महासङ्घले जनाएको छ ।

महासङ्घले अन्तर्राष्ट्रिय बजारमा हुने सुनचाँदी कारोबारका मूल्यका आधारमा नेपाली बजारमा दैनिक सुन तथा चाँदीका मूल्य तोक्दै आएको छ ।