सत्य सावित भयोे बिरालोको भविष्यवाणी

काठमाडौं ।  विश्वकप फुटबलको उद्घाटन खेल आयोजक राष्ट्र रसियाले जितेसँगै ‘एकिलिज’ नामको कान नसुन्ने सेतो बिरालोले सर्वत्र चर्चा चुलिएको छ । 

बिहीबारराती सम्पन्न खेलमा रसियाले जित हातपारेसँगै सेतो बिरालोले गरेको भविष्यवाणी सत्य सावित भएको हो । राजधानी मस्कोको सेनपिटरर्वगको हर्मिटेज म्युजियममा राखेको बिरालोलाई विश्वकप सुरु हुनुअघि भविष्यवाणी गर्न लगाइएको थियो ।

उक्त विरालोले रसिया र साउदी अरेबियाविचको  खेलमा रुस विजयी हुने भविष्यवाणी गरेको थियो । विरालोले गरेको भविष्यवाणी पहिलो खेलमै मिलेपछि धेरैको ध्यान अहिले उक्त विरालो तर्फ केन्द्रित  भएको छ । रुसले उद्घाटन खेल जितेसँगै ८८ वर्ष यताको इतिहासपनि जोगाएको छ । सन् १९३० देखि सुरु भएको विश्वकपमा अहिलेसम्म आयोजक टोली उद्घाटन खेलमा कहिल्यै हारेको छैन् ।