विश्वकप : पेरूमाथि डेनमार्कको संघर्षपूर्ण जीत

काठमाडाैं : रसियामा जारी फिफा विश्वकपअन्तर्गत शनिबार राती भएको खेलमा डेनमार्कले पेरूलार्इ १-० गोलअन्तरले हराएको छ । दक्षिण अमेरिकी राष्ट्र पेरूमाथि डेनमार्कले कठिन जीत निकालेको हो । 

खेलको ५९ अाैं मिनेटमा युरारेले गरेको गोल नै डेनमार्कको जीतका लागि निर्णायक बन्यो । पहिलो हाफको अन्तिम मिनेटमा पेनाल्टी पाएको पेरूले अवसरलार्इ गोलमा बदल्न सकेन । क्रिस्टियन कुयुभाको प्रहार गोलपोस्टको निकै माथिबाट बाहिरियो । 

दाेस्रो हाफमा समेत पेरूले पटक-पटक अवसर पाएपनि त्यसलार्इ गोलमा बदल्न सकेन । 

समूहचरणको पछिल्लो खेलसँगै समूह 'सी' मा डेनमार्क र फ्रान्सले समान ३-३ अंक जोडेका छन् । शनिबार रातीको खेलमा पराजित पेरू र अस्ट्रेलिया भने अंक जोड्न सकेका छैनन् ।