काठमाडौं। फिफा विश्वकप फुटबल अन्तर्गत मेक्सिकोले पूर्व विश्वविजेता जर्मनीलाई हराउँदै सानदार विजयी सुरुवात गरेको छ ।
मस्कोस्थित लुज्निकी रंगशालामा आइतबाराती सम्पन्न समूह ‘इ’ को खेलमा मेक्सिकोले ४ पटकको विश्व विजेता जर्मनीलाई १—० गोल अन्तरले पराजित गरेको हो ।
खेलको सुरुवाती समयमा जर्मनी मेक्सिकोविरुद्ध हाबी देखिएपनि गोल गर्न भने सफल रह्यो । मेक्सिकोको लागी हिर्भिङ लोरेन्जोले गरेको एक मात्र गोल नै निर्णायक बनेको थियो । उनले खेलको ३५ औ मिनेटमा गोल गरेका थिए ।
पहिलो हाफसम्म १—० ले पछाडी परेको जर्मनीले निर्धारित समयसम्म केही गोल गर्ने मौका पाएपनि सदुपयोग गर्न नसक्दा खेलमा पराजय भोगेको हो । जर्मनी विश्वकप फुटबलको पहिलो खेलमा पराजित भएको यो दोस्रो पटक हो । यसअघि सन् १९८२ मा जर्मनी अल्जेरियासँग पहिलो पटक विश्वकपमा पराजित भएको थियो ।
जितसँगै ३ अंक जोडेको मेक्सिको समूहको पहिलो स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया