छिट्टै तौल बढाउन यी चिज हुन्छन् उपयोगी, दैनिक सेवन गरे देखिनेछन् फाइदा

काठमाडौं । तौल सन्तुलित हुनु स्वस्थ शरीरको लागि धेरै महत्त्वपूर्ण छ। धेरै मानिसहरु बढेको तौलका कारण हैरान हुन्छन् भने केही मानिसहरु यस्ता पनि छन् जो आफ्नो कम तौलका कारण मानिसहरुको मजाकको विषय बन्छन् ।

कतिपय मानिस कुपोषणका बिरामी पनि हुन्छन् । यदि तपाईँ आफ्नो कम तौल बढाउन चाहनुहुन्छ भने त्यसका लागि केही घरेलु उपायहरू छन् ।

तौल बढाउनको लागि व्यायाम र राम्रो खानपान आवश्यक हुन्छ । केही घरेलु उपाय र खानेकुराको दैनिक उपभोगले केही महिनामै तौल बढाउन सकिन्छ । तौल बढाउन मदत गर्नुका साथै यी खानेकुरा स्वास्थ्यका लागि पनि फाइदाजनक हुन्छन् ।

यसका साथसाथै अधिक कार्बोहाइड्रेट र क्यालोरी भएका चीजहरू आहारमा समावेश गर्नुपर्छ। जस्तैः पीठो, चामल, मह, नट, बटर आदि। यी चीजहरूले स्वस्थ रूपमा वजन बढाउँछन्। आउनुहोस् तौल बढाउनको लागि दिनहुँ के कस्ता चिजहरू खानुपर्छ जानौँ :

तौल बढाउने घरेलु उपाय आलु : 

आलुमा कार्बोहाइड्रेट हुन्छ, जसले तौल बढाउन काम गर्छ। आलुलाई कुनै पनि तरकारीसँग बनाएर खान सकिन्छ । दैनिक आलु खानुहोस्। तर, यदि तपाईँ स्वस्थ तरिकाले तौल बढाउन चाहनुहुन्छ भने आलुलाई खानुहोस् तर धेरै फ्राइ गर्नु हुँदैन ।

घिउ : 

घिउको सेवनले शरीरमा बोसोको मात्रा बढ्छ । घिउमा स्याचुरेटेड फ्याट र क्यालोरी बढी हुन्छ। घिउलाई खानामा मिसाएर खान सकिन्छ । घिउ र चिनीसँगै सेवन गर्नुहोस्, तर घिउको मात्रा सीमित गर्नुहोस्।

केरा : 

तौल बढाउनको लागि केरा राम्रो विकल्प हो। केरामा धेरै क्यालोरी हुन्छ। दैनिक केराको सेवन गर्नाले तौल पक्कै बढ्छ । केरा खाँदा ऊर्जा मिल्छ र स्वास्थ्य पनि हुन्छ । केरा दुधसँग खान सकिन्छ । केरासँगै दुध पिउनुहोस्।

ड्राइ फ्रुट र फलफूल : 

दुधसँग फलफूल र ड्राइ फ्रुट खानुहोस् जसले तौल बढाउन सहयोग गर्छ । बदाम, खजुर आदिको सेवनले छिट्टै तौल बढाउँछ ।