रसिया। फिफा विश्वकप फुटबल अन्तर्गत उरुग्वेविरुद्धको खेलका लागी रोस्तोभ उडेको साउदी अरेबियाका खेलाडी चढेको विमानमा आगो लागेको छ ।
विमानको इन्जिनमा आगलागी भएपनि कुनै मानविय क्षती नभएको बताइएको छ । विमानमा सबार खेलाडी, खेल पदाधिकारी र विमानका अन्य सदस्यहरू सुरक्षित रुपमा रोस्तोभ पुगेका छन् ।
विमानको इन्जिनमा आगो लागे पनि आफ्ना सबै खेलाडी र खेल पदाधिकारी सुरक्षित रहेको साउदी अरेबियाले जनाएको छ ।
साउदी अरेबियाले बुधबार आफ्नो समूह चरणको दोस्रो खेलमा उरुग्वेसँग खेल्नेछ भने अन्तिम खेलमा इजिप्टसँग प्रतिस्पर्धा गर्नेछ ।
समूह ‘ए’ मा रहेको साउदी अरेबिया उद्घाटन खेलमा भने आयोजक रसियासँग ५—० गोलको भारी अन्तरले पराजित भएको थियो ।
यो खबर पढेर तपाईलाई कस्तो महसुस भयो ?
प्रतिक्रिया