स्थगित सान यु–१६ क्रिकेट प्रतियोगिता बुधबारबाट सुरु

काठमाडौं। कागेश्वरी मनोहरा यु—१६ सान क्रिकेट प्रतियोगिता बुधबारदेखि हुने भएको छ । 

प्रतियोगिता जेष्ठ ५ गतेबाट सुरु हुने भनिएपनि वर्षातका कारण खेल स्थगित गरिएको राष्ट्रिय खेलकुद परिषद खेलकुद बिज्ञान प्रतिष्ठानले जानकारी दिएको हो । मुलपानीस्थित  क्रिकेट मैदानमा पानी जम्नुका साथै विकेटमा समेत प्रभाव परेका कारण खेललाई एक महिना पछाडी सारेको जानकारी दिएको हो ।

यसअघि नै प्रतियोगिताको लिग चरणको खेलहरु सम्पन्न भइसकेको थियो । बुधबारबाट क्वाटरफाइनलका खेलहरु सन्चालन हुनेछ । 

किर्तिपुरस्थित टियु मैदानमा हुने पहिलो क्वाटरफाईनल खेलमा समूह ‘ए’ को विजेता केसिटिसीले र समूह ‘सि’ को उपविजेता ग्रेट हिमालयन क्रिकेट एकेडेमीसँग खेल खेल्नेछ ।