एजेन्सी :भारतका पत्रकार गौरी लंकेशको हत्या गर्नेहरूले तयार पारेको हिट लिस्टमा अभिनेता गिरीश कनार्डलगायतका व्यक्तिहरू रहेका छन् ।
लंकेश हत्यासम्बन्धी जाँच गर्ने विशेष दलका एक सदस्यले जनाए अनुसार हत्याराहरूको हिट लिस्टमा हिन्दुत्ववादी शक्तिको आलोचना गर्ने लेखक, धर्मगुरू र तर्कवादीहरू गरी ६ भन्दा बढीको नाम उल्लेख गरिएको छ ।
जाँच दलका अनुसार यी व्यक्तिहरूको घरमा सीसीटीभी क्यामरा र चार सुरक्षाकर्मी तैनाथ गर्नुपर्ने छ ।
पत्रकार लंकेश हत्या काण्डका संदिग्ध हत्यारा अमोल कालेलाई पक्राउ गर्न गरिएको छापाको क्रममा एक हिट लिस्ट फेला परेको थियो ।
त्यो हिट लिस्टमा लंकेशको नाम दोस्रो नम्बरमा उल्लेख थियो ।
छापामारेर पुणेका काले, गोवाका अमित दगवेकर कर्नाटकका मनोहर इदेव र गोली चलाउने भनिएका परशुराम बाघमारेलाई पक्राउ गरिएको छ ।
पक्राउ परेका सभी सनतान संस्था र हिन्दु जनजागृति समितिका सदस्यहरू छन् । हिट लिस्टमा देखिएका अन्य नामहरूमा तर्कवादी के एस भगवान। नरेन्द्र नायक, सी एस द्वारानाथ, निदुमामिदी मठ, विशप वीरभद्र चन्नामाला स्वामी लगायतका छन् ।
तर सो लिस्टमा कति जनाको नाम छ त्यसको एकिन जानकारी स्रोतले नदिएको बीबीसीले जनाएका छ ।
यो खबर पढेर तपाईलाई कस्तो महसुस भयो ?
प्रतिक्रिया