नबिल बैंकको प्रमुख कार्यकारी अधिकृतमा अनिल केशरी शाह

काठमाडौं । नबिल बैंकमा डेपुटी प्रमुख कार्यकारी अधिकृतको भुमिकामा प्रवेश गरेका अनिल केशरी शाह प्रमुख कार्यकारी अधिकृत बनेका छन् । 

मेगा बैैंकको प्रमुख कार्यकारी अधिकृतबाट अवकास पाएको ६ महिना पूरा भएसँगै शाहलाई नबिल बैंक सञ्चालक समितिले प्रमुख कार्यकरी अधिकृतमा नियुक्त गरेको हो । 

नबिल बैंक सञ्चालक समितिका अध्यक्ष शम्भुप्रसाद पौडेलले भने, बिहीबारदेखि नै लागू हुने गरी अनिल केशरी शाहलाई यस बैंकको प्रमुख कार्यकारी अधिकृतमा नियुक्त गरिएको छ ।

मेगा बैंकको प्रमुख कार्यकारी अधिकृतबाट अवकाश भएपछि सेञ्चुरी बैंक जाने अन्तिम तयारीका बेला शाह डेपुटी प्रमुख कार्यकारी अधिकृतका रुपमा नबिल प्रवेश गरेका थिए । 

बिहीबारदेखि शाह नबिलमा ४ वर्षका प्रमुख कार्यकारीको रुपमा रहने छन् ।