अहमेद मुसाले बनाए नयाँ रेकर्ड

काठमाडौं ।  नाइजेरियाका लागी जारी विश्वकपमा अहमेद मुसा पहिलो गोल गर्ने खेलाडी बन्दै नयाँ इतिहास रच्न सफल भएका छन् ।

 उनले सन् २०१४ को ब्राजिल विश्वकपमा पनि अर्जेन्टिना विरुद्ध दुई गोल गरेका थिए । त्यतिबेला उनले चौथौ र ४७ औ मिनेटमा गोल गरेका थिए ।

मुसाले गोल गरेपनि नाइजेरिया अर्जेन्टिनासँग ३—२ गोलले पराजित भएको थियो । मुसाले विश्वकप इतिहासमा नाइजेरियाका लागी चार गोल गर्ने खेलाडीको नयाँ रेकर्ड बनाउन सफल भएका हुन् ।

आइसल्याण्डविरुद्धको खेलमा नाइजेरिया २—० गोलले विजयी भएको थियो ।  आफ्नो टिमलाई महत्वपूर्ण ३ अंक दिन महत्वपूर्ण भुमिका निर्वाह गरेका मुसा खेलमा म्यान अफ दी म्याच समेत चुनिए ।