बैंक अफ काठमाण्डूको शेयर मूल्य समायोजन

कठमाडौं । नेपाल स्टक एक्सेचञ्जमा बैंक अफ काठमाण्डूको शेयर मूल्य समायोजन भएको छ ।

शुक्रबार बैंकको १३.२५ प्रतिशत बोनसपश्चात शेयर मूल्य समायोजन भएको हो । 

नेप्सेले बोनस पश्चात बैंकको प्रतिकित्ता शेयर मूल्य २ सय ७३ रुपैयाँ ७३ पैसा निर्धारण गरेको छ । समायोजन भएको शेयर मूल्यको आधारमा नै बैंकको शेयर कारोबार आइतबार खुला हुनेछ ।

बैंकको १८० दिनको सेयर कारोबारको आधारमा औसत आधार मूल्य ३ सय ६८ रुपैयाँ ३७ पैसा कायम भएको हो । 

बैंकले गत वर्षको नाफाबाट १३.२५ प्रतिशत बोनस शेयर वितरण गर्न शुक्रबार बुकक्लोज गरेको थियो । यसअनुसार असार ७ गतेसम्म कायम शेयरधनीले मात्र बोनस प्राप्त गर्नेछन् ।

६ अर्ब २४ करोड चुक्ता पूँजी रहेको बैंकको बोनसपछि ७ अर्ब ७ करोड २८ लाख चुक्ता पूँजी पुग्नेछ । 

बैंकले बोनस वितरण प्रस्ताव पारित गर्न असार २८ गते बिहीबार साधारण सभा आह्वान गरेको छ ।