नकआउट चरणमा पुग्न हामी सक्षम थिएनौं : प्रशिक्षक जोचिम लो

 रसिया। जर्मनी टिम जारी विश्वकपको नकआउट चरणमा जान योग्य नरहेको प्रशिक्षक जोचिम लोले बताएका छन् ।

बुधबारराति सम्पन्न भएको खेलमा डिफेन्डिङ च्याम्पियन जर्मनी दक्षिण कोरियासँग २—० गोल अन्तरले पराजित हुँदै विश्वकपको समूह चरणबाटै बाहिरिएको हो ।

खेलपछि प्रशिक्षक लोले आफ्नो टिम बाहिरिनका लागि योग्य रहेको बताएका हुन् । विश्वविजेता जर्मनी  ८० वर्षपछि पहिलो पटक समूह चरणबाटै बाहिरिएको हो । सन् १९३८ यता जर्मनीले विश्वकपमा उत्कृष्ट प्रर्दशन गर्दै आइरहेको थियो ।

मेक्सिकोलाई ३—० ले हराएको स्वीडेन जर्मनी रहेको समूह ‘एफ’ को विजेता तथा मेक्सिको उपविजेताको रुपमा अन्तिम १६ मा प्रवेश गरेको थियो । 
प्रशिक्षक लोले सन् २००६ देखि जर्मनी टिमलाई प्रशिक्षण दिदै आइरहेका छन् । उनले यो १२ वर्षको अवधिमा जर्मनीलाई यसअघिका विश्वकपमा कम्तीमा सेमिफाइनलसम्म पुर्याएका थिए ।